Umad-adon dagiti agtutubo a mangayat a sumrek iti negosyo, sigun iti Department of Trade and Industry.
Iti pannakiuman ti Bombo Radyo kenni Atty. Raymond G. Panhon, Regional Director ti Department of Trade and Industry, kinunana a gapu iti agtultuloy a Youth Entrepreneurship Program (YEP) ket immadu dagiti agtutubo a negosyante.
Imbinglay pay ti nasao nga opisial nga idi napalabas a bulan ket naiyusuat ti umuna a batch ti nasao a programa.
Nupay kasta, inlawlawag ti nasao nga opisial a ti programa ket limitado laeng gapu iti kinakurang ti pondo.
Iti baet daytoy, kinuna ni Panhon nga agtuloy latta ti nasao a programa ken impasiguradona a maala dagiti immuna a saan a naala iti programa.
Kabayatanna, kadawyan a karit a sangsanguen dagiti Micro Small and Medium Enterprises ket ti panangirehistroda ti negosyo dagitoy iti FDA ken dadduma pay nga ahensia.
Ngem impetteng ni Panhon nga adda dagiti nadumaduma a programa ken aktibidad a maipatpatungpal para kadagiti Micro Small and Medium Enterprises.//Bombo Noveh Organo
