--Ads--
BAGUIO CITY – Umad-adon dagiti agtutubo iti siudad ti Baguio a makapkaptan ti COVID-19.
Iti panakiuman ti Bombo Radyo Baguio, kinuna ni City Health Officer Dr. Rowena Galpo nga iti rekord dagitoy ket addan dagiti 18-anyos nga agpababa ditoy siudad a nakaptan ti coronavirus.
Kinunana a dagitoy dagiti saan paylaeng a nabakunaan kontra iti COVID-19.
Dinakamatna nga awan paylaeng ti panagbakuna kadagiti agtutubo ken kadagiti ubbing iti pagilian gapu iti kaawan ti pammalubos a mabakunaan dagitoy.
