Al-alukuyen ni Anilyn Tiongan, manager ti La Trinidad Arabica Coffee Producers Association dagiti agtutubo nga ituloy dagitoy ti coffee farming wenno ti panagmula kadagiti kape.
Sigun kenkuana, daytoy ket gapu ta babaket ken lalakay wenno nataengan metten dagiti coffee growers iti munisipyo ti La Trinidad iti agdama.
Gapu iti dayta, mamingsan ket saanen a maburas dagiti nasao a coffee farmers dagiti mula dagitoy a kape isu’t gapuna nga agtinnag laeng dagiti kape kadagiti talon dagitoy.
Malaksid iti dayta, maysa a naibinglay daytoy ket dagiti dadduma pay a coffee farms iti munisipyo ti La Trinidad ket agbalbalinen a residential areas.
Innayonna pay a kaaduan kadagiti agtutubo ita ket kayatda nga agbalin a barista ngem nakunana a kasatnu a maituloy dagiti agtutubo ti panagbalin dagitoy a barista no awan met ti mangituloy iti panagmula kadagiti kape.
Nupay kasta, mangnamnama daytoy nga adda dagiti sumagmamano nga agtutubo a maallukoy wenno ma-engganyo nga agmula iti kape gapu ta iti agdama ket ngumin-ngina metten ti kape.
