Imonmonitor ita iti Civil Aviation Authority of the Philippines (CAAP) dagiti air assets ni sigud nga Ako Bicol Party-list representative Zaldy Co.
Sigun kenni CAAP Director General Raul Del Rosario, tallo kadagiti air assets ni Co pakairamanan iti dua nga helicopter ken maysa nga eroplano ket nakaruar iti pagilian paturong idiay Malaysia ken Singapore.
Maibasar iti rekord iti nasao nga opisina, ti maysa nga helicopter ket naaramat para iti medical mission bayat a dagiti dua nga aircraft ket nagturong kadagiti nadakamat a pagilian.
Iti agdama, makikokoordinaren ti CAAP kadagiti Civil Aviation Authorities dagiti sabali a pagilian a maatap a nagturungan ni Co tapno makaala dagitoy iti tulong.
Sigun kenni Del Rosario, iti kanito a maipaiyulog ti forfeiture order, mabalinda nga isubli paturong Pilipinas dagiti nasao nga air assets ti sigud a kongresista.
