BAGUIO CITY – Nainget ti panangwanawan ti Office of the Civil Defense (OCD) – Cordillera iti aktibidad ti minas ken quarrying ditoy rehiyon ita a panagtutudo.
Iti panakiyuman ti Bombo Radyo kenni Cyr Bagayao, panakangiwat ti OCD-Cordillera, kinunana a no rumbeng a maiparikep dagiti pagminasan ken maipasardeng ti aktibidad ti quaryying ket aramidenda.
Inlawlawagna a babaen iti daytoy ket maipasigurado ti kinatalged dagiti umili kadagiti lugar a saksakupen ti operasyon dagiti panagminas ken quarrying.
Kabayatanna, innyon ni Bagayao a sukimatenda met ti kinatalged dagiti amin a rangtay ditoy Cordillera tapnu makita no nakapasa dagitoy iti umno nga standard ti maysa a rangtay.
Nangisayangkat metten ti OCD-Cordillera iti taripnong mainaig iti panagwanawan kadagiti landslide-prone areas ditoy rehiyon tapnu maprebentaran dagiti insidente nga adda ti madangran gapu iti panagreggaay ti daga. (-with Bombo Nikki Agsiweng)
