BAGUIO CITY – Ituloy latta ti simbaan katolika iti probinsiya ti Benguet dagiti naituding nga aktibidad a maipatungpal kabayatan ti obserbasyon ti semana santa kalpasan a pinalubosan dagitoy ti gobyerno iti baet ti agdama a pandemya.
Iti panakiyuman ti Bombo Radyo Baguio, kinunana ni Benguet Parish Priest Fr. Manny Flores nga adda ti sumagmamano a pagbaliwan dagiti sigud a maar-aramid tunggal semana santa gapu kadagiti pagalagadan nga impaulog ti nasyonal a gobyerno.
Impettengna a maksayan dagiti aktibidad a maisayangkat ken 50% capacity laeng ti akomodaren ti simbaan tapnu masigurado a masurot ti social distancing.
Dinakamatna a makanselar dagiti sumagmamano a prosisyon ken maipawil paylaeng ti panag-ungo kadagiti imahe kas iti crucifix.
ni Benguet Parish Priest Fr. Manny Flores
