BENGUET PROVINCE – Awanen ti nailista nga aktibo a kaso ti African Swine Fever iti probinsya ita a bulan.
Sigun kenni Provincial Veterinarian Purita Lesing babaen met dayta iti nainget a panangmonitor ken panang-eksaminda kadagiti hog raisers iti probinsya.
Pakairamanan pay ti panangipatungpalda ti agtultuloy nga information education campaign kadagiti babarangay tapno maliklikan ti panakaiwaras ti virus.
Iti panakiuman ti Bombo Radyo kenni Dr. Purita Lesing, naudi a nailista ti aktibo a kaso ti African Swine Fever idiay Itogon ken Bokod, Benguet idi Nobyembre idi napalabas a tawen.
Nupay awanen ti aktibo a kaso ti ASF, impetteng ni Dr. Lesing nga agtultuloy latta ti panangipatungpalda ti animal quarantine checkpoint tapno maipasigurado a nagtaud ti karne a sumrek iti probinsya kadagiti ASF-free municipality.//Mae Bagsang
