Nainget a pinaglibaka ni VP Sara Duterte dagiti nagbalin nga statement ni Rodulfo Gracioso Jr. a mangikonkonekta ita kenkuana kadagiti insidente a sigun kenkuana ket saanna nga inaramid.
Iti press conference ti Office of the Vice President idiay Davao, inbasa ni VP Sara ti affidavit daytoy kas sungbat kadagiti akusasyon ni Gracioso.
Sigun kenkuana, opisyal nga isumitir ti kampo na ti nasao nga affidavit inton Oktobre 8.
Malaksid iti dayta, inlawlawag ti bise president a saan daytoy a sumungbat kadagiti issue seknan iti impeachment trial ken dagiti akusasyon nga ibatbato kenkuana ni sigud a senator Antonio Trillanes IV.
Inlawlawag metlaeng ti kampo daytoy a panggep ti press con a mailawlawag dagiti kinapudno iti tengnga ti panagwaras dagiti alegasyon bayat a maisagsagana dagiti kaskenan nga addang iti linteg.
