Naideklara nga state of calamity ti provincial government ti Albay gapu iti panagngato ti kaso ti dengue sadiay.
Maibasar iti kaudian a datos, dumanon iti 1,785 ti nakaptan iti sakit a dengue manipud idi Enero agingga Setiembre 08, 2026.
Sigun iti Albay Provincial Health Office, dumanon iti 14 ti pimmusay gapu iti nasao a sakit.
Kangatuan iti kaso ti Legazpi City a dandani 380 kadagiti 18 a siudad ken munisipalidad ti Albay.
Indagadag ti provincial government iti publiko a pagtalinaeden a nadalus ti aglawlaw ken ikkaten dagiti mabalin a pagitlugan ti lamok tapno makatulong a manglapped iti panagwaras ti dengue.