Inawagan a malisioso ti Office of the Speaker ti alegasio a na-stroke ken naiturong iti ospital ti dadaulo ti House of Representatibve a ni Leyte Representative Martin Romualdez.
“Speaker Romualdez is in excellent health and continues to perform his duties with dedication and focus… These allegations are completely untrue and are clearly designed to mislead the public and sow confusion.”
Head Executive Assistant of the Speaker’s Office Lemuel Erwin Romero
Iti nairuar nga statement idi laeng kalman, kinuna ni Head Executive Assistant of the Speaker’s Office Lemuel Erwin Romero, mapapati a panggep ti agiwarwaras ti saan a pudno nga impormasion maipapan kenni Romualdez tapno maallilaw ti publiko ken tapno mariro.
Sigun kenni Romero, nakidar-ay iti aktibidad ni Romualdez ken nakipaset iti sumagmamano nga opisial idi Disiembre sais, karamanen ti maysa a seremonia idiay Malakanyang nu sadinno, pinirmaan ni President Ferdinand “Bongbong” Marcos Jr., ti dua a baro a linteg, a panagumong a dinar-ayan metlaeng ti dadduma pay a dadaulo ti House of Representative ken Senado.
“The event was widely covered by the media, underscoring his active role in advancing these legislative measures”
Head Executive Assistant of the Speaker’s Office Lemuel Erwin Romero
Kiniddaw ni Romero iti publiko a kadagiti beripikado ken opisial a pagtataudan ti impormasion laeng a mamati a kas iti lehitimo a media, ken ibasura dagiti saan a pudno nga impormasion nga addaan panggep a dadaelen ti talek ti publiko kadagiti dadaulo ken institusion ti Pilipinas.
Sigun met kenni Batangas Rep. Gerville Luistro, rumbeng nga isardeng ti panangiwaras iti saan a pudno nga impormasio, ken kinunana a nasayaat ti salun-at ni Romualdez.
“Speaker Martin Romualdez remains in good health and continues to fulfill his duties as a committed public servant with vigor and dedication.”
Head Executive Assistant of the Speaker’s Office Lemuel Erwin Romero
Dinakamat pay ti mammanday-linteg a “shared responsibility” ti umuli iti Pilipinas iti panangkontra iti palso a damag.
