Pinaglibakan ti Department of Justice (DOJ) nga indardaras ti Sandiganbayan ti pannakawaswas ti motion to quash ken ti dagus a pannakaipaulog ti arrest warrant kontra kenni Sen. Rodante Marcoleta.
Daytoy ket kasaruno dagiti saludsod mainaig iti pannakapapartak ti panagprogreso iti kaso ni Marcoleta a plunder.
Sigun kenni Justice Undersecretary Nicholas Felix Ty, ti korte laeng ti addaan ti karbengan nga agdisyon no kaano nga agaraw ti maysa a kaso a naipila.
Inyunay-unayna a saan a rembeng nga idilig daytoy iti dadduma a kaso.
Sigun pay kenni Ty, tunggal desision ket naibasar iti ebidensia ken dagiti bukod a proseso ti hudisial wenno judiciary.