Nagkedked ni sigud a House Speaker ken Leyte Rep. Ferdinand Martin Romualdez a mangipaay iti statement seknan iti alegasion ni sigud nga Ako Bicol Rep. Zaldy Co.
Impetteng ni Romualdez a dagiti nadakamat Co ket saan a naaramid babaen ti sapata ken awan ti dagsenna iti korte.
Sigun kenkuana, talkenna ti Independent Commission for Infrastructure (ICI), Department of Justice (DOJ), ken ti Office of the Ombudsman a mangrepaso iti amin nga statement a maibasar iti ebidensia.
Innayonna pay a nalinis ti konsiensiana ken nakasaganaa a makitinnulong iti aniaman a legal a proseso.
Sigun iti nasao nga opisial, patienna a rummuar ti kinapudno kadagiti umno nga institusion.
Maipalagip a kinuna ni Co a binilin daytoy da President Ferdinand Marcos Jr. ken Romualdez nga iprosesona dagiti budget insertions nga agdagup iti P100 billion.
