Nakairekord iti pakasaritaan ni Alex Eala kalpasan a napangabakanna ti kaunaan a gold medal ti Pilipinas iti women’s singles tennis ti Southeast Asian Games kalpasan ti 26 a tawen.
Inabak ti 20-anyos a Filipino tennis ace ti home bet a ni Mananchaya Sawangkaew ti Thailand iti iskor a 6-1, 6-2 iti finals ti 33rd SEA Games idiay Nonthaburi, Thailand.
Iti baet ti nainget a laban iti maika-dua a set, nagtalinaed a kalmado ni Eala ken inleppasna ti laban iti uppat a nagsasaruno nga ay-ayam.
Ni Eala ti maikatlo a Pilipina a nangabak iti gold iti women’s single tennis iti SEA Games.
Simmaruno daytoy kada Pia Tamayo idi 1981 Manila Games ken Maricris Fernande idi 1999 Brunei edition.
Inleppas ni Eala ti torneo nga addaan iti maysa a gold medal, dua a bronze medals manipud iti mixed doubles ken team events.
