Indeklara idi laeng kalman ti maysa a kangrunaan nga aliansa dagiti rebelde idiay Myanmar ti “unilateral ceasefire” iti panagsusupiat dagitoy tapno suportaran ti “international humanitarian response” iti nakaro a gingined a nagdayyeg iti nasao a pagilian idi napalabas a lawas.
Sigun iti Three Brotherhood Alliance, a buklen ti Myanmar National Democratic Alliance Army, Ta’ang National Liberation Army, ken Arakan Army, saanda nga irugi dagiti opensiba nga operasion dagitoy iti maysa a bulan tapno mapalubosan ti panagregget a mangispal, ken makirangetda laeng nu salaknibanda ti bagida.
Iti joint statement, kinunada a kayatda ti tumulong a kangrunaan a kasapulan iti pagilian nangruna dagiti naapektaran, tapno naparpartak ken epektibo ti aniaman a panagregget a mangispal.
