Imbilin ti Malacañang kadagiti pagadalan ken opisina ti gobierno iti National Capital Region (NCR) ken dadduma pay a lugar nga ipatungpalda ti alternative work arrangements iti Mierkules, Agosto 19, 2026.
Iti Memorandum Circular 129, kinuna ni Executive Secretary Ralph Recto, inrekomendar ti National Disaster Risk Reduction and Management Council ti alternative work arrangements gapu iti manamnama nga agtultuloy a napigsa a tudo nga ituntunda ti Habagat ken ropical Depression “NENENG.”
Saklawen ti memo dagiti pagadalan ken opisina ti gobierno iti National Capital Region (Metro Manila), Abra, Benguet, Ilocos Sur, La Union, Pangasinan, Bataan, Bulacan, Nueva Ecija, Pampanga, Tarlac, Zambales, Batangas, Cavite, Laguna, Rizal, Occidental Mindoro, ken Oriental Mindoro.
Kabayatanna, naitalek kadagiti lokal nga opisial ti desision a mangsuspinder iti klase.
Inlawlawag ti Palasio a kasapulan nga ag-report iti trabaho dagiti ahensia a mangipapaay iti health services ken disaster response.