Nagkedked ni Whistleblower Julie Patidongan wenno alyas Totoy nga agkiddaw iti pammakawan kenni retired police general Jonnel Estomo kalpasan nga innaganna a karaman daytoy iti pannakapukaw dagiti sabungeros.
Sigun kenkuana saan daytoy a mangipaulog iti public apology.
Immuna nga imbutaktakna ti sigud a general ket miembro iti maaw-awagan nga “Alpha group”.
Innayonna pay nga isardeng ti sigud a police general nga aglibak iti pannakairaman daytoy.
Daytoy ket kalpasan a pinaglibakan ti nasao nga opisyal ti akusasyon kenkuana.