Manarimaan latta ti imbestigasion dagiti otoridad iti nakalkaldaang a napasamak kadagiti agkabsat nga agtawen iti tallo ken lima kalpasan a pinaltogan ida ti bukodda nga ama, nga immuna a nangpaltog iti inada idiay Bacong, Negros Oriental.
Napasamak ti trahedia iti pamilia idiay Purok San Roque, Barangay Buntis idiay Bacong idi laeng kalman.
Maibasar iti umuna nga imbestigasion dagiti kameng ti pulisia, immuna a pinaltugan ti 30-anyos a suspek ti asawana kalpasan a nagapada a dua.
Nabalinan pay ti babai ti nagtaray ken nagturong ti suspek kadagiti dua nga annakna a babbai.
Kalpasan a pinaltugan ti suspek dagiti annakna, pinaltuganna met ti bukodna a bagi a rason ti dagos a pannakatayna.
Mapapati a ti rason ti panagapa ti agassawa ket ti panagturong ti suspek iti balay ti asawana tapno buluden dagiti annakda a babbai.
Ngem mapapati a nagkedked ti babai a rason tapno iruar ti suspek iti paltog ket pinaltuganna ti asawana.
