Nagduduma ti nagbalin a kapanunotan dagiti sigud nga justice officers ti Korte Suprema seknan iti 16-vote threshold wenno ti kasapulan a botos tapno maconvict ti maysa nga impeachable official.
Immuna nga inimbitaran ti impeachment court da sigus a Chief Justice Artemio Panganiban, sigud a Chief Justice Reynato Puno, sigud nga Associate Justice Adolfo Azcuna, ken sigud a Chief Justice Hilario Davide Jr. tapno mangipaay iti bukodda a kapanunotan ken legal opinionda seknan iti nasao nga issue.
Sigun kenni sigud a Supreme Court Chief Justice Panganiba, maysa kadagiti kangrunaan a damag ita ket nu patas a baybay-an dagiti senador nga agbotos uray nu saan met dagitoy a nakipaset iti trial, aglemlemmeng, adda iti ballasiw taaw, nakabalud wenno adda ti an-anayenda.
Inkalintegan met ni sigud a Supreme Court Chief Justice Renato Puno a mabalin a mangipaay ti maysa a hues iti bukodna a judgement uray no saanna a personal a naobserbaran ti demeanor ti maysa a testigo.
Kabayatanna, pabor met ni retired Associate Justice Adolfo Azcuna a mapalubosan nga agbotos dagiti senador a saan a nakipaset kadagiti amin a trial days.
Sigun kenni Azcuna, rumbeng a mapalubosan dagitoy nga agbutos gapu ta adda ti bukod a rekord ti impeachment court no sadino mabalinda a sublianan, buyaen, ken adalen dagiti senador a saan a personal a makapaset iti mannarimaan a trial.
Iti baet dayta, pinagyamanan ti Senate Impeachment Court ti presensya ken panangipaay dagiti sigud a chief justice officers seknan iti mannarimaan nga issue.
