Maal-allukoy dagiti amin a Reserve Officers’ Training Corps (ROTC) iti siudad ti Baguio a makipaset iti closing ceremony ti 45th National Reservist Week 2024 a maangay sadiay 1401st Community Defense Center, 14th Regional Community Defense Group, Reserve Command, Philippine Army, Brgy. Loakan Liwanag, Baguio City inton bigat a mangrugi iti oras ti alas syete ti agsapa.
Daytoy ket kas panagimbitar ti Armed Forces of the Philippines (AFP).
Ti 45th National Reservist Week 2024 ket maipalagip a nangrugi idi Agosto a uno iti agdama a tawen ken agleppas inton bigat nu sadino addaan daytoy iti tema a “Tagtag ng Laang Kawal para sa Bagong Pilipinas.”
Maibasar iti section 49 accounting of reservists iti Republic Act 7077, amin a reservists partikular dagiti karaman iti Ready and Standby Reserves ket nasken nga i-updateda ti records dagitoy wenno ti Reservist Information Data Sheetda para iti panagbalinda a nakasagana iti call of duty dagitoy.
Naituding a maisayangkat ti kapatgen nga aktibidad iti nasao a month long celebration inton bigat kas iti National Simultanoeus Flag Raising Ceremony ken ti Accounting of Reservist.
