Inlawlawag ti sigud nga aktress a ni Andi Eigenmann a saan a pulo a nagloko kenkuana ti fiance daytoy a ni Siargao-based surfer Philmar Alipayo.
Inlawlawagna daytoy kasaruno ti pablaak daytoy a cryptic post iti IG story-na a rason ti nagwaras nga spekulasyon iti mapapati a panagsinada.
Iti pablaak ni Andi iti IG story-na, nangipaay daytoy iti pammalawag iti immuna a post-na ken imbagana a ti post daytoy ket para iti maysa a partikular a barkadana a babae a nangloko kenkuana, ngem saannan nga innaganan.
Sigun kenkuana, no agkadua man ti fiance daytoy ken ti nasao a babae ket kaduada metlaeng daytoy.
Inlawlawag pay ni Andi a ti panagpostna iti nasao nga isyu ket gapu ta mapapati a trinaydor ti maysa nga indibidual a mang-aw-awis iti fiance-na a makipagsina kenkuana tunggal adda ti saan a pagkinnaawatan dagitoy.
Impetteng metlaeng ni Andi iti IG story-na ti panagpatattoo ti nasao a babae iti kapada a tattoo mark a “224” ti fiance daytoy a saanna man laeng nga inkonsidera ti marikrikna ni Andi.
Pinadas pay ti sigud nga aktress nga i-reach out daytoy tapno ilawlawag ti kapanunutanna nga saanna daytoy a pinansin.
Inyebkas ni Andi nga impablaakna ti nasao a posts tapno mangipaay iti awareness kadagiti dadduma nga addaan iti sitwasyon a saan a normal.
Nangipaay metlaeng iti komento ti fiance-na a ni Philmar iti metlaeng IG story-na ken kinumpirmarna ti pammalawag ni Andi.
