Impakaammo ni Dr. Celia Flor Brillantes, Baguio City Health Services Officer nga awan ti nasayang nga aniaman a bakuna iti siudad.
Sigun kenkuana, maar-aramat amin a bakuna nga adda iti opisinada.
Dinakamatna a nangisayangkatda iti massive immunization idi napalabas a bulan tapno maiwaras ken maaramat dagiti bakuna.
Kinunana a paset daytoy ti ipapaay ti Department of Health a kasapulan a maiwaras nga agas ken bakuna tapno saan a masayang dagitoy.
Impasigurado met ni Dr. Brillantes a nakaalerto dagiti health service workers a mangidispose kadagiti ag-agas ken bakuna tapno maliklikan ti adu nga expired medicines. | via Bombo Karen Sapirao