BAGUIO CITY – Naballigi dagiti naglabas nga Annual Modernization Program ti Bureau of Fire Protection iti naglabas a dua a tawen.
Sigun kenni Fire Director (FDir.) Louie Suralta Puracan, mangidadaulo iti Bureau of Fire Protection, nakagun-odda ti agarup dua gasut agingga tallo gasut a firetrucks tunggal tawen.
Namnamaenna met a kalpasan iti agdama a tawen, amin a munisipyo iti intero a pagillian ket maaddaan ti fire station ken firetruck.
Innayonna pay a dakkel a tulong ti Modernization program ti ahensiya gapu ta manipud iti 1,485 a munisipyo iti pagilian ket 123 a municipyo ti awanan paylaeng ti fire station.
Nu sadino makitkita a daytoy a programa ti mangsolusyon iti nasao a problema.
Malaksid pay iti dayta, agkurkurang paylaeng ti ambulansya nga adda kadakuada nu sadino agarup tallo gasut laeng ti addaan iti daytoy manipod iti 1,485 a munisipyo a makasapul.//Bombo Jez Lapizar
