Maisaksakad iti konseho ti Anti-Epal Ordinance nu sadino addaan daytoy iti panggep a mangiparit kadagiti politiko a mangidisplay kadagiti imaheda babaen iti posters, signage ken stickers kadagiti estbalishemento ken lugan.
Iti panakiuman ti Bombo Radyo kenni Fred Bagbagen, councilor iti siudad ti Baguio ken author ti nasao nga ordinansa, kinunana a sakupen daytoy ti “outside the campaign period.”
Sigun kenni Bagbagen, adda dagiti posters a nakapaklat wenno nakaplaster a kas iti “Ingat sa biyahe” kadagiti establishimento wenno kalsada a pakakitaan a maysa daytoy a wagas ti “early campaigning.”
Innayon ti nasao a konsehal a ti anti-epal ket wagas tapno agbalin a patas ti panagbibinalubal dagiti agngayngayangay iti nagduduma a posisyon iti gobyerno gapu ta saan a mailibak a ti panakaadda iti poster ket para kadagiti addaan iti kwarta agsipud ta agkasapulan daytoy iti dakkel a funding.
Malaksid iti dayta, daytoy ket tapno mapreserba ti nasayaat nga aglawlaw ti siudad nangruna ket agbalbalin nga eyesores dagiti posters dagiti politiko wenno saan daytoy nga environmental friendly.
Kabayatanna, nu daytoy ket maipasa iti konseho, agbalin daytoy a kaunaan nga ordinansa iti intero a pagilian.
Nupay kasta, manarimaan ti consultation maipapan ti panakaipaay ti pannusa kadagiti aglabsing iti daytoy.
