BAGUIO CITY – Saanen a mapanuynuyan ti ania man a kita ti panagabuso iti uneg ti Philippine Military Academy (PMA) kalpasan ti panangadaptarda ti anti-hazing measures.
Sigun kenni Brigadier General Romeo Brawner Jr., commandant of Cadets ti PMA, maysa a kadakkelan a nagbaliwan nga inpatungpal ti akademia ket ti pannakapaksiat ti ania man a akita ti hazing iti cadet core.
Kasaruno daytoy ti ipupusay ni daydi 4rth Class Cadet Darwin Dormitorio idi napalabas a tawen.
Kinuna ni Brawner a naiyuswat ti kampanya kontra iti hazing para iti pagsayaatan ti administrasyon ti PMA ken kadagiti kadete.
Nangipatungpal ti PMA ti integration of cadets para iti panagkakadwa dagiti first agingga fourth class tapno mapapigsa ti panagkaykaysa dagitoy.
Kinunana pay nga epektebo daytoy para iti pannakapaksiat ti hazing iti nasao nga akademia.
