--Ads--
BAGUIO CITY–Manamnama a marugian ita a tawen ti aquaphonics project ditoy siyudad ti Baguio.
Sigun kenni Dr. Bridget Piok, dadaulo ti City Veterinary and Agriculture Office, mailatangan daytoy iti pondo a P2.1-M manipud iti Bureau of Fisheries and Aquatic Resources – Cordillera.
Kinunana a maysa daytoy kadagiti kiddaw ni Mayor Benjamin Magalong iti Department of Agriculture.
Dinakamatna a 10 units ti marugyan ita a tawen ken manamnama ti kanayunan a 42 units inton sumaruno a tawen.
Inlawlawagna a ti aquaphomics ket maysa a wagas a panagtaraken kadagiti ikan ken panagmula iti nateng iti limitado laeng nga espasyo nga addaan iti minimum nga uppat a metro kwadrado.
