Impakaamo ti Armed Forces of the Philippines (AFP) a nakasaganada a pagtalantanan dagiti pangta iti cyberspace babaen ti panangparang-ay ti kabaelanda a cyber defense.
Bayat ti ADR Stratbase Pilipinas Conference 2024, kinuna ni Chief of Staff General Romeo Brawner a dagiti pangta a sangsanguen dagiti Pilipino ket saanen a limitado kadagiti pisikal nu diket karaman ditoyen iti cyberspace.
Patienna a makilangen-langen itan dagiti umili kadagiti agop-operate kadagiti “domain” nga addayo manipod iti pisikal a bagi.
Gapu iti dayta, inyunay-unay ti nasao nga opisial a rumbeng laeng a maprotektaran ti “digital infrastructure,” kasapulan a masalakniban dagiti sensitibo nga impormasion, ken kasta metten ti integridad ti komunikasion.
Sigun kenni Brawner, ti cyber defense ket saan laeng a katulongan kadagiti tradisional a kabaelan dagitoy nu diket maysa a kangrunaan a paset ti baro a konsepto ti Armed Force of the Philippine iti depensa.
