--Ads--
Naka-red alert ti Armed Forces of the Philippines (AFP) kas panagsagana iti pannakalagip iti 40th anniversary ti EDSA People Power Revolution sadiay Manila intun Mierkules, February 25, 2026.
Sigun kenni AFP spokesperson Colonel Francel Margaret Padilla, naka-red alert dagitoy tapno masigurado a naka-standby dagitoy iti kanito a kasapulan ti Philippine National Police (PNP) ti tulong.
Kabayatanna, impasigurado ni Padilla nga awan ti pangta a naireport kadakuada seknan iti EDSA-related activities.
Maipalagip a naituding nga isayangkat dagiti nagduduma a sektor ti kilos protesta kontra korapsion ken political dynasties kas pananglagip iti 1986 EDSA People Power Revolution.
