Kinumpirmar ni House Secretary General Cheloy Garafil nga opisyalen nga inawat ni Secretary Dong Mendoza dagiti dokumento ti Articles of Impeachment kontra kenni Vice President Sara Duterte ita a rabii.
Simmangpet dagiti nasao a dokumento iti senado babaen iti convoy manipud iti House of Representatives.
Innawat met daytoy ti senado pasado alas-syete idi rabii iti baet ti napasamak a tensyon ken panagpinnaltog iti uneg ti senado.
Maipalagip nga idi laeng Lunes, Mayo 11, inimpeach ti House Committee on Justice ni Vice President Sara Duterte iti botos a 257 a pabor, 25 a kontra, ken 9 nga abstain.
Apaman a naitransmit dagiti impeachment articles, maikonsidera nga agserbi nga impeachment court ti senado para iti nasao nga impeachment.
Immunan nga impanamnama ni Senate President Alan Peter Cayetano a dagos nga ag-convene ti senado apaman a maawatda ti articles of impeachment. //bombokaren.c.s