Kinnidaw ti asawan ni Vice President Sara Duterte a ni Atty. Manases Carpio iti Quezon City Court a bawienda ti subpoena a naipaulog kenkuana iti yearly income tax returns (ITRs) daytoy.
Imparuwar ti subpoena ti House Committee on Justice kas paset iti imbestigasyon nu adda ti umdas a basaran para iti impeachment case a reklamo kontra iti bise presidente.
Innayon pay daytoy a maibilbilang a pribado ken saan a mabalin a maipablaak nga awan pakada ti tax return.
“A taxpayer’s tax returns, which contain personal informations relating a taxpayer’s income and expenses, are confidential information.
It cannot be divulged without notice to, nor the prior written consent of the taxpayer,” sigun kenni Carpio.
Kabayatanna, sigun kenni Bicol Saro Representative Terry Ridon, ada bileg ti House Commitee a kiddawen dagiti dokumeto nga adda pakainaiganna iti imbestigasyon dagitoy tapno maamwanen nu umdas dagiti basaran iti impeachment proceedings.
Impettengna pay a saan a mabalin nga irason ti privacy tapno saan nga agbalin ti constitutional authority ti Kongreso iti impeachment investigation. //bombokaren.c.s
