Inarestar dagiti otoridad idi Pebrero 2 ni Police Senior Master Sergeant John Mollenido, asawa ti napapatay a policewoman idiay Bulacan a ni
Police Senior Master Sergeant Diane Marie Mollenido.
Sigun iti Quezon City Police District (QCPD), mapilaan ti kaso ni Mollenido ken ti tallo pay a suspek nga immunan a naarestar. Amin dagitoy ket dumalan iti inquest proceedings.
Sakbay a naarestar ni Mollenido, pinaglibakanna ti akusasyon ti maysa a car agent a nangitudo kenkuana nga adda pakainaiganna iti nasao a krimen.
Sigun iti pulisya, maysa kadagiti naarestar nga suspek ti nagboluntaryo a mangisalaysay iti amin a detalye nga amo daytoy seknan iti nasao a krimen no sadino ket dinakamatna a mismo a nakita daytoy ti nasao a pamasak kalpasan iti panangpaltog iti balay ti sag-asawa idi Enero 16.
Maibasar iti salaysay daytoy, inawagan ti sagasawa daytoy iti balayda iti alas-otso ti rabii ken pinag-uray da daytoy iti garahe kabayatan a damdamagen ni Mollenido ti asawa daytoy nu adda ti ipagatangna.
Kalpasanna, sigun iti suspek, nakitana ni Mollenido nga adda ti kaduana a babae.
Kalpasan iti mano nga oras, dinakamat ti suspek nga adda ti nangngegna a napigsa nga music a maipatpatugtog iti uneg ti balay ti sag-asawa ken napasarunoan ti putok ti paltog.
Dinakamatna a nakitana ti maysa a babae a dara’t dara ken kinunana a ti bangkay ti ubing ket naibalot ket naidulin pay iti maysa nga storage area.
Idi dinamagda nu anya ti napasamak, kinuna ti suspek a nabagaan daytoy a saanna nga ipakpakaammo ti nakitana iti asinoman . No saan ket pati daytoy ket mapapatay.
Maipalagip a nasarakan ti bangkay ni Diane Marie Mollenido idi Enero 24 iti maysa a creel idiay Pulilan,Bulacan no sadino ket addaan daytoy iti gunshot iti ulo.
Kalpasan iti lima nga aldaw, nasarakan met ti bangkay ti anak daytoy a ni John Ysmael iti maysa a calamansi farm idiay Victoria, Tarlac. Sigun iti kapulisan, pimmusay daytoy iti asphyxia.
Naarestar met dagiti tallo a suspek ita metlaeng a lawas iti maysa nga residential area idiay Novaliches, Quezon City.
Narekober iti pagtaengan ti sagasawa ti cellphone ni Diane Marie ken P100,000 cash. Sigun iti kapulisan, dagiti suspek ket agkakadwa kas live-in partners. Narekober met laeng dagiti otoridad ti maysa nga sports utility vehicle (SUV) idiay Pampanga nga maatap a naaramat iti panangidispose kadagiti bangkay ti sag-ina.
Iti maysa pay a post nga impablaak ti Rimandolo Office, dinakamat ti abodago ni Mollenido a mapapati a boluntaryo a simmuko daytoy ken saan nga inaresto dagiti kapulisan. Impettengda pay nga awan pay laeng ti nairuwar a warrant of arrest kontra iti kliyente dagitoy. // via Bombo Karen Calpoe Sapirao
