Astronauts a nagiyan iti space iti las-od iti siyam a bulan, nakasublin iti planeta

Nakasublin iti planet Earth dagiti astronauts a da Barry “Butch” Wilmore, Sunita “Suni” Williams, Nick Hague ken Aleksandr Gorbunov kalpasan ti siyam a bulan a panagnaed-da sadiay space.

Nupay kasta, naituding a ti panagiyanda iti space ket maysa laeng kuma a lawas ngem daytoy ket nailaylayon gapu iti isyu a napasamak iti Starliner.

Naipatungpal ti flight dagitoy iti International Space Station (ISS) idi Hunyo idi napalabas a tawen ken dagitoy ket nakasubli iti planeta ita a bulan ti Marso.

Kabayatanna, kinuna dagiti eksperto a ti nabayag a panagnaed sadiay Space ket mabalin a makaapektar iti physiology ken psychology iti maysa nga indibidual.

Maysa pay a kadakellan a karit iti daytoy ket ti microgravity no sadino dagitoy ket tumtumpaw.