--Ads--
Imbutkatak ni Interior Secretary Jonvic Remulla a saan a napatgan ti asylum request ni sigud a presidential spokesperson Harry Roque.
Sigun kenni Remulla, isublina ni Roque iti pagilian nu addan iti red notice kontra kenkuana.
Maipalagip nga idi Nobiembre 2025, kinumpirma ni Roque a nag-apply daytoy para iti asylum-na sadiay Netherlands.
Iti agdama, sangsangoen ni Roque dagiti charges for qualified human trafficking nga addaan iti konesyon iti Philippine Offshore Gaming Operator (POGO) Lucky South 99.
Impeksa met iti Presidential Anti-Organized Crime Commission (PAOCC) a nag-request dagitoy a mangipaulog iti red notice ti International Criminal Police Organization (Interpol) kontra kenni Roque.// Bombo Khey Reparip
