BAGUIO CITY – Problema ita ti Provincial Health Office (PHO) ti Benguet ti kinakurang dagiti doktor sadiay a mangakomodar kadagiti residente ti probinsia nga agal-ala ti medical certificate tapnu makastrekda iti Baguio City.
Sigun kenni PHO-Benguet head Dr. Nora Ruiz, iti maikatlo nga aldaw ti panangitedda iti medical certificate ket maysa laeng a doktor ti ahensia ti mangakomodar kadagiti nagturong sadiay.
Inlawlawagna a daytoy ket gaputa adda ti pakakumikoman dagiti tallo pay a doktor ti PHO-Benguet.
Inyapelana pay ti panangakomodar met ti lokal a gobyerno ti La Trinidad kadagiti dadduma nga agal-ala ti medical clearance tapnu dagitoyen ti mangited iti nasao a dokumento ken maksayan ti atiddog a pila iti sangwanan ti PHO-Benguet ken mapapartak ti panakaited ti nasao a dokumento.
