Baguio City – Dakkel ti panagyaman ti maysa a promising athlete iti athletics manipod Benguet iti tulong a naawat daytoy manipod iti Congressional Office
Gapu iti dayta, maituloyen ti panagturungna sadiay Iloilo a makipaset para iti National Invitational Sports Competition a naituding a maipatungpal intun Mayo 29-31 iti agdama a tawen.
Idi laeng kalman, Mayo 26 naiyawat ken Denver Tacay, maysa a Grade 9 student ti Benguet National High School ti pinansyal a tulong tapno masupusupan ti plane ticket daytoy nga agturong iti nasao a lugar babaen Kevin See, Chief of Staff ni Cong Yap ken PATAFA throwing coach Arniel Ferrera.
Maipalagip a pagparparikutan ni Coach Ferrera nu kasatno dagitoy a makabiyahe sadiay Iloilo tapno makisalip iti nasao a kompetisyon gapu iti kinaawan iti budget a maaramat dagiti atleta.
Ti nasao a torneo ket agserbi kas qualifying stage para iti 12th ASEAN School Sports Competition intun Nobiembre sadiay Dumaguete City.
Naituding a partisiparan daytoy dagiti atleta manipud iti Asean Schools Sports Council a bukbuklen ti Pilipinas, Brunei, Cambodia, Laos ken Vietnam.
