Manarimaan ti panagrekober ni Councilor Constantina Lupante iti maysa a pagagasan sadiay Bangkok, Thailand kalpasan naopraaan iti ulo gapu iti panagsagabanna iti brain blood clot kabayatan ti seminar dagitoy iti nasao a lugar.
Iti pannakiuman ti Bombo Raydo kenni Marilou Zarate, Councilor iti Munisipyo iti Atok, kinuna na nga immuna a nadlawda ti saan a nasayaat a panagargaraw, panagna ken mata ni Councilor Lupante kabayatan ti seminar dagitoy seknan iti pagsayaatan iti turismo iti Munisipio ti Atok.
Gapu iti dayta, inkeddeng dagitoy nga ituring iti balay pagagasan ken naisayangkat ti Computed tomography wenno CT scan.
Naduktalan a nagsagaba iti brain blood clot ni Councilor Lupante ken inkapilitan a maipaipasidong iti operasion.
Nupay kasta, kinasapulan dagitoy iti 500.000 Bhat wenno P1 Million tapno maisayangkat ti operasion ngem naoperaan metlaeng ni Councilor Lupante kalpasan a pinnalubasan ti pagagasan.
Dakkel ti panagyaman ti pamilia ken dagiti daduma pay a maseknan nga indibidual kalpasan a balligi ti nasao nga operasion.
Kabayatanna, maubsurbaran ni Lupante iti maysa a lawas iti pagagasan tapno maliklikan ti impeksion sakbay a maiturong daytoy iti Out Patient Department (OPD) tapno masiguro a natalged daytoy sakbay nga agbiahe.
Kabayatanna, dakkel ti panagyaman ti pamilia ni Lupante kenni Congresman Erico Go Yap kalpasan nga inkarinna nga agturong sadiay Thailand tapno bayadanna ti hospital bill dagitoy.//mp4
