Nakasagana ti Atok, Benguet iti posible a panagsangbay ti bagyo ita a tawen.
Iti panakiuman iti Bombo Radyo kenni Atok Mayor Franklin Smith, imbinglayna a sakbay a simrek ni Tropical Deprssion Bising iti Philippine Area of Responsibility ket nangipatungpalda iti disaster assessment ken pinagsaganada dagiti adda iti frontline.
Sigun kenni Mayor Smith, nabayagen a makapaspasar ti lugarda iti kapada a sitwasyon tunggal madanon ti panagtutudo nu sadino,balligi latta a malaslasatanda daytoy.
Kinuna ti local chief executive a saan latta a maliklikan dagiti panagregga-ay iti daga nu panagtutudo gapu ta masaturate wenno lumukneng ti daga.
Innayon ti opisyal nga iti agdama ket nakapasar ti daduma a lugar idiay Atok iti babassit a panagregga-ay iti daga ken awan pay nailista a major landslides.
Iti baet dayta, agtaltalinaed a silulukat dagiti kalsada iti nasao a munsipyo.//Bombo Rob Dominguez
