--Ads--
Inyebkas ni Atty. Harry Roque ti agtultuloy a suportana kenni sigud a President Rodrigo Duterte.
Iti impablaak daytoy iti social media account na itay kanikadua, makita ti ladawanda kenni sigud a President Duterte idi saan paylaeng a naidetene ti sigud a presidente.
Ti nasao a pablaak, addaan iti caption nga “See you soon again Tatay Digong” ken “Walang iwanan,” a mangipakpakita iti agtultuloy a suportana iti sigud a presidente.
Iti nagsina a pablaak, inyebkas ni Atty. Roque a makaturog daytoy a nasayaat gapu iti kumpiyansana iti baro a legal counsel ni sigud a President Duterte a ni Atty. Peter Haynes, kasaruno iti panaglusolos ti sigud nga abogadona a ni Atty. Nicholas Kaufman. //bombokaren .c.sapirao
