Kidkiddawen ti AUSPHIN International Institute iti publiko nga ipaimada kadagiti otoridad ti mangtingiting iti kaso ti maatap a illegal recruitment nga akusasyon kontra iti nasao a kompanya ken saanda mangbukbukel iti bukod da a konklusyon.
Daytoy ket seknan iti naiserra a lima a linked firms ti nasao a grupo iti siudad ti Baguio ken Pasig itay kanikadua.
Iti statement nga inpatulod ti AUSPHIN International Institute iti Bombo Radyo Baguio, impettengda a saanda a kanunongan ken ummanamong iti anyaman a klase ti illegal recruitment.
Nailanad metlaeng iti nasao nga statement a mannarimaan metten iti panangsagoda iti agdama nga issue babaen mayanatup a legal process. Gapu iti daytoy, kinidawda a maliklikan kuma iti panangaramid iti anyaman a konklusyon bayat iti panagtulid ti imbestigasyon.
Impetteng metlaeng ti nasao a grupo nga agtaltalinaed ti komitment da iti panangipaay iti serbisyon kadagiti estudyante dagitoy.
Ti AUSPHIN International Institute ket maysa nga educational institution a mangipapaay iti edukasyon, training, ken suporta kadagiti interesado nga estudyante a mangsarsarak iti oportunidad idiay Australia.
