Nakemmeg ti maysa nga Australian a mapapati a dadaulo ti criminal group ken sumangsango iti nasurok a lima pulo a kaso kalpasan a nag-stop over iti Pilipinas.
Nabigbig ti ganganaet a ni Rodrigo Elices, 32-anyos, a maibilang a maysa kadagiti wanted personalities idiay Australia ken dadaulo ti bunggoy ti Hells Angels idiay Australia.
Nainget a binantayan dagiti otoridad ti nasao a ganganaet nga addaan ti posas iti ima ken sakana.
Immuna a nakemmeg ni Elise idiay Thailand ken naibalud iti uneg ti maysa a tawen kalpasan a nagaramat ti palso a travel documents.
Sigun kenni ni Rendel Sy, hepe ng BI Fugitive Search Unit, adda ti bayolente a pakasaritaan ti nasao nga indibidual.
Kinuna pay ti BI Fugitive Search Unit nga adda ti Interpol red notice ti Australian ken sumangsango iti lima pulo ket lima a kaso nga adda pakainaginna iti iligal a droga ken illegal firearms.
Adda metten daytoy iti blacklist order ti Pilipinas ken saanen a mapatgan nga agsubli iti Pilipinas iti kanito a mawayawayaan.
Dagos met a naideport ti suspek idiay Australia.
