BAGUIO CITY – Inlawlawag ni Jonathan Llanes, Information Officer iti Regional Agriculture and Fisheries Information Section ti Department of Agriculture – Cordillera nga awan ti napasamak nga oversupply partikular kadagiti repolyo ken wombok iti probinsya ti Benguet.
Iti panakiuman ti Bombo Radyo kenni Llanes, kinunana a ti temporaryo a panakaiparikep dagiti kalsada ket gapu iti panagdalapos ti bagyo a Carina, rason a naitantan ti panakaideliver dagiti produkto ken naurnong dagitoy.
Gapu iti dayta, nakiddaw ti panang-asistar dagiti nagduduma a maseknan nga opisina para iti panakaidispatch dagiti nateng tapno matulongan metlaeng dagiti mannalon.
Batay sa ating pagmomonitor, wala po tayong naiuulat na oversupply ng, particularly yung cabbage. ito po yung mga cabbage na hindi po naideliver kaagad lalo na nung panahon, kasagsagan ng bagyong carina.
Sigun iti nasao nga opisyal, inapiten dagiti mannalon amin a mabalin a maapit kadagiti mulada sakbay a simmangpet ti nasao bagyo nu sadino nairamanen dagiti sumagmamano a nateng a saan pay koma a maapit.
Iti agdama, agtultuloy a makikokoordinar dagiti maseknan nga opisina para iti panakaiwaras dagiti nateng a naurnong gapu iti naitantan a panakaideliverna.//Bombo Rob Dominguez
