Saanen a palubosan ti Commission on Elections (Comelec) dagiti party-list organizations nga agaramat kadagiti nagan a mainaig kadagiti nalatak a pabuya iti TV ken tulong ti gobierno wenno “ayuda” para iti sumaruno nga eleksion.
Daytoy ket sigun mismo kenni Commission on Elections chairman George Erwin Garcia.
Kinunana a saanda patgan iti sumaruno nga accreditation process dagiti agaplikar iti nagan a kapada kadagiti mabuybuya iti telenobela iti telebision.
Impaganetgetna a rumbeng a dagiti organisasion nga agaplikar iti accreditation ket maitunos kadagiti adbokasiada.