BAGUIO CITY – Maramrambakan ita ti maikasiyam nga Ayyoweng di Lambak ed Tadian Festival sadiay Tadian, Mt. Province.
Tampok ita nga aldaw ti civic parade a pinasetan ti sangapulo ket siyam a barangay ti nasao a munisipyo a nakaiparangan ti kaugalian ken kultura dagitoy.
Malaksid kadagiti residente sadiay ket nakipagrambak met laeng kadakuada dagiti umili ti kabangibangda a probinsya.
Naipatungpal met laeng iti nasao a festividad dagiti nagduduma a nainsigudan ken cultural games, malaksid pay iti “bahagketball” wenno ti panagsuot iti baag dagiti makipaset iti basketball, ken dadduma pay.
Nagserbi a kangrunaan a sangaili ni Department of Tourism Undersecretary Falconi Millar.
Ti tema ti festividad ket “Payew, Puon Di Agyon ay Kaugalian, Laing ya Pammati ken Kabunian, Baked Di Simbayan” wenno talon ti nagtaudan ti napintas a kaugalian, sirib ken pammati kenni Kabunian ti tibker ti komunidad.
