--Ads--
BAGUIO CITY – Nakemmeg ti maysa a babae kalpasan a natiliwan daytoy iti maatap a shabu kabayatan ti panangsarungkarna iti Benguet Provincial Jail itay laeng nabiit.
Nabigbig daytoy a ni Lady Josel Bundalian Ronquilio, 26-anyos, sales lady, tubo ken residente ti Cutcut, Angeles City, Pampanga.
Naarestar daytoy kalpasan a naduktalan dagiti jail guard ti inlimmengna a maatap a shabu iti head band-daytoy iti isasarungkarna iti nasao a pagbaludan.
Ti nasao a kontrabando ket agdagsen iti 2.1 gramos ken aggatad iti nasurok P14,000.
