--Ads--
BAGUIO CITY – Pimmusay ti maysa a babai kalpasan a napaltogan ti ulo daytoy iti uneg ti pagtaenganna sadiay Purok 27, Irisan, Baguio City.
Nabigbig daytoy a ni Jacquelyn Gayadan, 55-anyos ken residente ti nasao a lugar bayat a saan pay a nabigbig ti suspek.
Maibasar iti report, nakaturog ti biktima iti salas ken nakalukat iti tawa ti balayda a mapapati a simrekan ti suspek a nangpaltog kenkuana.
Iti agdama, agtultuloy ti imbistigasyon ti Baguio City Police Office – Station 9 iti nasao a kaso nangruna ta saan pay a naduktalan ti motibo ti suspek.
