--Ads--
Naharang ti maysa a babai a Pilipino, 43-anyos, manipod idiay Kuala Lumpur, Malaysia, iti Customs International Arrival Area ti NAIA Terminal 3 gapu iti iligal a droga.
Sigun iti PDEA, naikabil iti bagahe ti babai ti iligal a droga a mapatta-patta a dumanon iti 4,368 a gramo a mapapati a Methamphetamine Hydrochloride wenno shabu nga aggatad ti ₱29,702,400.00.
Ti babai ket adda ita iti kostodia ti nasao nga ahensia ken sumangsango daytoy iti kaso a panaglabsing iti Republic Act 9165.
Dagiti met naala nga iligal a droga ket naiturn-over iti PDEA Laboratory Service para iti confirmatory testing .
