Pimmusay ti maysa a babai a piskal idiay Digos City, Davao del Sur kalpasan a napalpaltugan daytoy iti uneg ti luganna.
Ti suspek iti krimen, ti half brother ti biktima.
Nabigbig ti biktima a ni Eleanor Dela Peña, 54-anyos, a dagos a pimmusay gapu iti nasagrapna a panangtama ti bala.
Nakalugan ti pick-up truck ti biktima idi Lunes ken paawiden ti pagtaenganna idi kellaat a pinalpaltugan dagiti suspek ti biktima a nakalugan iti motor.
Nagbalin a suspek ti 56-anyos a half brother ti biktima iti nasao a krimen maibasar iti kinuna ti nakasaksi ken iti naimatangan a suspek iti CCTV footage.
Naala manipod iti suspek ti sumagmamano a maatap a sanikua daytoy idi aramidenna ti krimen karaman ti helmet, jacket, dagiti bala iti 12-gauge shotgun, dagiti bala ti paltog ken magazine iti M16 rifle.
Maatap a panagsusupiat maipapan iti daga ti maysa kadagiti motibo a kitkitaen dagiti autoridad iti krimen.
Kinondenar met ni Justice Secretary Jesus Crispin Remulla ti napasamak kenni Dela Pena ken impasiguradona a maipaayan ti hustisia ti biktima, nga agserserbi kas assistant provincial prosecuto iti Office of the Provincial Prosecutor idiay Davao Occidental.
Imbilin ti dadaulo ti National Bureau of Investigation (NBI) a mangipatungpal dagitoy ti imbestigasyon mainaig iti napasamak a pannakapapatay ti piskal.
