--Ads--
BAGUIO CITY – Nakemmeg ti maysa a babai iti buy-bust operation nga insayangkat dagiti operatiba ti Baguio City Police Office – Station 2 ken PDEA-Cordillera sadiay Trancoville, Baguio City idi kalman.
Nabigbig daytoy a ni Normina Ebrahim Baic, 26-anyos, balasang, awanan trabaho, tubo ti Makati City ken residente ti Bugallon Street, Aurora Hill, Baguio City.
Nakumpiskar manipud kenkuana ti maysa a pakete ti mapapati a shabu nga agdagsen iti 0.5 grams.
Narekober pay kenkuana ti naaramat a buy-bust money ken nakumpiskar ti nagduduma a drug paraphernalia.
Sumangsango ita ti babai iti kaso a panaglabsing iti RA 9165 wenno ti Comprehensive Dangerous Drugs Act of 2002. (with Bombo Nikki Agsiweng)
