BAGUIO CITY – Pimmusay ti maysa a maladaga kalpasan a nairaman iti panakauram ti balayda sadiay Sitio Dekkan, Lenga, Tadian, Mountain Province idi kanikadua.
Nabigbig daytoy a ni baby Myra Lhain, agtawen iti maysa ken sangapulo a bulan.
Maibasar iti imbestigasyon ti Tadian PNP, nasapa a nagriing ti ina ti baby ken imbatina ti anakna bayat a nakasindi ti kandila sakbay a nagturong iti daan a balay dagitoy tapnu agluto.
Kiniddawna ti panangkita ti inana iti anakna ken idi paawiden daytoy ket nakitana laengen a maur-uram ti balayda.
Nagtitinnulong dagiti residente sadiay tapnu maispal ti maladaga ngem napaay dagitoy.
Mapattapatta met a dumanon iti nasurok kumurang P100, 000 ti gatad dagiti nauram a kagawaan iti dua a kadsaaran a balay ken mapapati a ti nabaybay-an a kandila ti nangitunda iti nasao nga insidente.
