Natumal ita ti bagas iti Baguio City Public Market kasta met kadagiti daduma pay a paglakuan iti ruar ti siudad gaputa posible nga ur-urayen paylaeng dagiti konsyumer ti panagbaba ti presio daytoy.
Iti pannakiuman iti Bombo Radyo kenni John Paul Peralta, Rice Dealer ken Retailer iti Baguio City Public Market,nangrugi a napasaranda daytoy kalpasan nga inwaragawag ni President Ferdinand Marcos Jr. nga ag-adjust ken maaddaan iti limitasion ti presio ti bagas wenno ti panakaituding iti Maximum Suggested Retail Price.
Sigun kenni Peralta, kinilo laeng ti gatgatangen ita dagiti konsyumer ken manmano laeng dagiti gumatang iti agingga 25 a kilo.
Kabayatanna, impananama met ni Peralta nga awan ti pagdanagan dagiti konsyumer gaputa kanayon a mamonitor ti presio ti bagas iti merkado publiko iti siudad.
Malaksid iti dayta, naannadda ken agtungtungpalda a dagus iti pammilin gaputa maikkat ti lisensya dagitoy apaman a matakwatan a nalabes ti presyo dagiti lakoda.//mp4
