Impasigurado ni Baguio City Mayor Benjamin Magalong a posible a maipasubli ti Baguio-Cebu Flight vice versa kasaruno ti panakisaritana kenni Stanley Ng,Chief Operating Officer ti Philippine Airlines.
Sigun kenni Mayor Magalong, ti panakakanselar ti adu a flights inton bulan ti Hulyo ken ti panagtudtudo ti rason a saan a kabaelan dagitoy nga ituloy ti operasyonda iti agdama para iti Baguio-Cebu vice versa flights.
Kagiddan dayta, inaklon ti mayor a makaapektar daytoy iti convenience nangruna dagiti agtaud sadiay Cebu nga agpangpanggep a sumarungkar iti Baguio City kasta met dagiti agtaud iti siudad nga agpangpanggep nga umulog paturong sadiay Cebu.
Iti baet dayta, impasigurado met ti Hotel Restaurant Association iti Baguio City nga saan unay a nakaro wenno significant ti agbalin nga epekto daytoy iti turismo.
Kabayatanna, mapangpanggep ti panagsarak da Mayor Magalong ti sabali pay nga airline services nga interesado nga agoperate paturong ken manipod iti siudad ti Baguio.//Bombo Jez Lapizar
